Prantl Alois - Laa
Die Debutation
Da Moarkt in Laa woar allweul groß,
an iadn Samstag woar wos los!
Vo umadum haben’s d‘ Fadln bracht,
die Laaer habn vül Göder gmacht.
Der Umstand weckt den Neid, den Grant
Beim größten Fadllieferant:
„Mia stölln das stärkste Kontigent!
Gmoarät, das hat iazt an End!
Des Gschäft, des könn ma sölba machen;
mia haben scho gschupft ganz andre Sachn!
an (d) ascht tui i’s nimmameahr!
I stöll ma füa, wos i mecht:
I moan, da Dunnasta(g) war grecht:“
De Gmorät vor Begeistrung glüähn,
hörn goar net auf vun Applaudiern.
Nach Wiean muiß wer, und des ganz schleini(g);
Zwoa Hernn wer (d) n foahrn, sie san si‘ eini (g).
Da Nationäulrat füahrt sie an,
der is‘ dazui da beste Maunn.
Der is‘ geschätzt im „Hochn Haus“
und geht da drinnat ein und aus.
Er wird’s im Landhaus vorbereitn,
er kennt si‘ aus noch olli Seitn.
Die Gmoa zahlt auf da Bahn die Koartn.
Dann sitzn’s im Empfang und woarten.
Meist kimmt’s ganz an (d) dascht, als ma denkt,
weil unsere Schriatt a andra lenkt!
Denn, wia schen stad die Zeit verollt,
wiard eahna Führa wegagholt.
Akkrat glei drauf, da iss so weit,
se muässn eini nua zu zweit!
„Grüß Gott, die Herrn, was führt sie her?“
empfangt sie liab da Landesherr.
„Herr Landeshauptmann,…daß I,… daß i‘s sag:
Mia mechtn,…. mechtn… a so gearn an Donnerstag!“
„So, an Donnerstag, den wolln die Herrn,
warum denn nicht? Das kann ich gewährn!
Auf Wiedersehn also, gute Foahrt;
Verlassen sie sich auf mein Woart!“
Huidvoi woarn’s damit entlassn
und stehn betropazt auf da Straßn.
Wie das eahn Führa hat erfoahrn,
haßt er sie die die größten Noarrn;
„Habsts allweul enka Pappn offn,
durt seits gstandn wia die Affn;
habst enk denn net z’redn traut?
Die ganze Sach is iatzt vahaut!“
Kloanlaut steckn’s ein die Brumma.
Zum Fadlmarkt is’s niamals kumma.
Der Tram woar aus für alle Zeit.
Eahn Dunnasta (g). den haben’s bis heit!
13.01.1982 OSR Fritz Mader
Frei gestaltet nach einem Bericht von, VetR Alois Prantl.
Geschehen zur Zeit des Landeshauptmannes Reither.
Anmerkung: (Kober Lambert) Reither Josef, war 1925-1927 Landeshauptmann Stellvertreter. Zwischen 1925 und 1927 dürfte sich diese Geschichte zugetragen haben!?
Link: Josef Reither – NÖ Landtag (noe-landtag.gv.at)